Araşdırma: Nəsli kəsilməkdə olan balıq növlərinin sayı 5 dəfə artıb

Bakı, 2 sentyabr, AZƏRTAC

Monpelyedəki Dəniz Biomüxtəlifliyi, İstismar və Qorunması İnstitutundan olan fransız alimləri nəsli kəsilmək təhlükəsi ilə üzləşən balıq növlərinin sayının əvvəlki hesablamalardan 5 dəfə çox olduğunu müəyyən ediblər.

AZƏRTAC xəbər verir ki, tədqiqat “PLOS Biology” elmi jurnalında dərc olunub.

Alimlər 13195 dəniz balıq növünün hazırkı vəziyyətini təhlil edərək belə nəticəyə gəliblər ki, onlardan 1671-i (12,7%) nəsli kəsilmək təhlükəsi altındadır. Əvvəllər bu rəqəm 334 növ (2,5%) təşkil edirdi.

Nəsli kəsilməkdə olan balıq növlərinin əksəriyyəti kiçik coğrafi diapazona, böyük bədən ölçülərinə və aşağı böyümə sürətinə malikdir.