![](https://economic.az/uploads/2023/11/W1siZiIsIjIwMjMvMTEvMDIvMTYvMDMvMzIvZGQxODIzMGItNmI3OS00MGI2LTg5ZWQtOTViZWUxZjdjNDAzLzM5Njc2MzI4N18yNDMwOTYyMDg3Nzc1NDlfMzc1ODUxMDYyNTk2MTcyNTY3MV9uICgxKS5qcGciXV0.jpeg)
AMB: “Azərbaycanda gələcək riskləri məhdudlaşdırmaq üçün uçot dərəcəsini aşağı salırıq”
Bizim WhatsApp kanalımıza buradan abunə ola bilərsiniz
Azərbaycan Mərkəzi Bankın (AMB) proqnozlarına görə, inflyasiya səviyyəsi növbəti orta müddətdə hədəf diapazonunda 4%+/-2% olacaq.
“Report” xəbər verir ki, bunu AMB-nin sədri Taleh Kazımov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında 2024-cü ilin dövlət büdcəsinin proqnozlarının müzakirəsi zamanı deyib.
T.Kazımov bildirib ki, orta müddət dedikdə iki il nəzərdə tutulur:
“Mərkəzi bank inflyasiya səviyyəsini hər il üçün deyil, ortamüddətli dövr üçün nəzərdən keçirir. Digər tərəfdən, valyuta bazarında təklifin tələbi kəskin üstələməsi şəraitində, həmçinin pul-kredit siyasətinin yumşaldılmasını aparırıq. Planımıza görə, bu ilin sonuna kimi pul bazamız 20%-ədək artacaq. Bu da gələcəkdə makroiqtisadi sabitlik nöqteyi-nəzərdən kifayət qədər risklər yaradır. Ona görə də uçot dərəcəmizin parametrlərini aşağı salırıq ki, gələcək təsirləri məhdudlaşdıraq”.
Xatırladaq ki, noyabrın 1-də Mərkəzi Bankın İdarə Heyətinin qərarı ilə uçot dərəcəsi 9%-dən 8,5%-ə, faiz dəhlizinin aşağı həddi 7,5%-dən 7%-ə, faiz dəhlizinin yuxarı həddi isə 10%-dən 9,5%-ə endirilib.
Mərkəzi Bankın proqnozlarına görə, illik inflyasiya 2023-cü ilin sonuna 4,3%, 2024-cü ildə 5,3%, 2025-ci ildə isə 3,4% olacaq.
BƏNZƏR MƏQALƏLƏR
-
Azərbaycan nefti cüzi bahalaşıb
Bizim WhatsApp kanalımıza buradan abunə ola bilərsiniz Dünya bazarlarında “Azeri Light” (CIF) markalı Azərbaycan nefti […]
-
“Yüksəliş” müsabiqəsinin qabiliyyət imtahanı start götürdü
Bizim WhatsApp kanalımıza buradan abunə ola bilərsiniz Dördüncü dəfə təşkil olunan “Yüksəliş” müsabiqəsinin əyani mərhələsinin […]
-
“Məzun günü” üçün restoranlarda yer tapılmır – VİDEO
Bizim WhatsApp kanalımıza buradan abunə ola bilərsiniz “Məzun günü”nə sayılı günlər qaldığından restoranlara tələbat artıb. […]