ABŞ-İsrail hərbi təlimlərinə 140 təyyarə və 12 gəmi cəlb olunub
Bakı, 25 yanvar, AZƏRTAC
ABŞ və İsrail “Juniper Oak – 2023” hərbi təlimləri keçirir. Təlimə 140 təyyarə və 12 gəmi, həmçinin HIMARS MLRS artilleriya roket sistemləri də cəlb olunub.
AZƏRTAC xəbər verir ki, bunu brifinqdə Pentaqon sözçüsü Patrik Rayder deyib.
“Bu, bizim birlikdə iştirak etdiyimiz ən böyük və ən əhəmiyyətli təlimdir. “Juniper Oak – 2023” ABŞ-ın İsrailin təhlükəsizliyinə sadiqliyinin sarsılmaz və davamlı olduğunu nümayiş etdirmək üçün nəzərdə tutulub” – deyə o əlavə edib.
Qeyd edək ki, iki ölkənin hərbçiləri aviasiya və dəniz qüvvələri də daxil olmaqla, müxtəlif qoşun növlərinin cəlb olunduğu “Juniper Oak – 2023” irimiqyaslı birgə təlimlərə başlayıblar. Təlimlərdə düşmən hədəflərinə zərbələrin endirilməsi, mürəkkəb əməliyyatların icrası, həmçinin vahid komandanlıq altında birgə hərəkət olunması məşq edilir. O cümlədən, təlimlərə müxtəlif növ döyüş, kəşfiyyat və hərbi nəqliyyat təyyarələri, helikopterlər və pilotsuz uçuş aparatları cəlb olunub.
Mətndə səhv varsa, onu qeyd edib ctrl + enter düyməsini basaraq bizə göndərin
BƏNZƏR MƏQALƏLƏR
-
Gəncədə minik avtomobili yanıb
Gəncə, 8 fevral, AZƏRTAC Gəncədə yanğın hadisəsi baş verib. AZƏRTAC-ın bölgə müxbiri xəbər verir ki, […]
-
Kioto Universiteti yaponların qanından alınan kök hüceyrələri satmağa başlayır
Bakı, 8 fevral, AZƏRTAC Yaponiyanın Kioto Universiteti yaponların qanından alınan induksiya edilmiş kök hüceyrələrin (iPS […]
-
Cozef Bayden respublikaçılar və demokratlar arasında əməkdaşlığın vacibliyindən danışacaq
Bakı, 8 fevral, AZƏRTAC ABŞ-ın respublikaçılar və demokratlar partiyalarının nümayəndələri ölkənin mənafeyi naminə birgə çalışmalıdırlar. […]