Beynəlxalq Əmək Təşkilatı: Gənclərin yarısı qeyri-rəsmi əməklə məşğul olur
Bakı, 18 avqust, AZƏRTAC
Dünyada gənclər arasında işsizlik son 15 ildə ən aşağı səviyyəyə düşsə də, bəzi məsələlər narahatlıq doğurur.
AZƏRTAC xəbər verir ki, bu barədə Beynəlxalq Əmək Təşkilatının son hesabatında bildirilib. Agentliyin statistikasına görə 2023-cü ildə planetin 15-24 yaşlı sakinləri arasında işsizlik 13 faiz təşkil edib. Bu da son 15 ildə ən aşağı göstəricidir. Gənclər arasında ən çox işsizlik ərəb ölkələri və Asiya regionunda müşahidə olunur.
Beynəlxalq Əmək Təşkilatını narahat edən əsas məqam dünya üzrə gənclərin yarısının qeyri-rəsmi əməklə məşğul olmasıdır. Bu vəziyyət onların karyera qurmasına və sosial təminatına mənfi təsir edir.
Digər narahatedici məqam 15-24 yaşlı gənclərin 20,4 faizinin heç bir təhsili, ixtisası və işinin olmamasıdır.
BƏNZƏR MƏQALƏLƏR
-
Türkiyəli ekspert: Azərbaycanın Ermənistan Konstitusiyasına dəyişiklik edilməsi ilə bağlı tələbləri haqlıdır
Ankara, 11 sentyabr, AZƏRTAC “Ermənistan Konstitusiyasının hazırkı redaksiyası Bakı ilə İrəvan arasında sülh sazişinin imzalanmasına […]
-
Laçın sakini: Yurduma gedib işimi davam etdirmək istəyirəm
Bakı, 11 sentyabr, AZƏRTAC “Laçında illərlə mətbuat işçisi olmuşam. İndi yurduma gedib işimi yenidən davam […]
-
Mayotda işsizlik Fransa üzrə orta göstəricidən 5 dəfə çoxdur
Bakı, 11 sentyabr, AZƏRTAC Fransanın Mayot departamentində işsizlik artaraq 37 faizə çatıb. AZƏRTAC “”Figaro”ya istinadla […]