Mahmud Abbas Qəzza zolağına səfər etməyi planlaşdırdığını bildirib
Ankara, 15 avqust, AZƏRTAC
Fələstin Prezidenti Mahmud Abbas yaxın vaxtlarda Qəzza zolağına səfər edəcəyini elan edib.
AZƏRTAC xəbər verir ki, bu barədə Fələstin lideri Türkiyə Böyük Millət Məclisinin (TBMM) Yaxın Şərqdəki vəziyyətə həsr olunmuş növbədənkənar iclasında bildirib.
Onun sözlərinə görə, Fələstin xalqı qarşısında duran maneələrin aradan qaldırılmasına gedən yol Fələstin ilə dialoq və birlikdən keçir. O qeyd edib ki, sülhə və təhlükəsizliyə gedən yol Fələstində başlayır və başa çatır.
Mahmud Abbas Fələstin məsələsi ilə bağlı BMT TŞ-nin qətnamələrinin layihələrini blokladığına görə ABŞ-ı kəskin tənqid edib, eləcə də Fələstin xalqına göstərilən dəstəyə görə Türkiyəyə və şəxsən Prezident Rəcəb Tayyib Ərdoğana minnətdarlığını bildirib.
Ramin Abdullayev
AZƏRTAC-ın xüsusi müxbiri
Ankara
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]