Cari ilin birinci yarısında Aİ ölkələrindən iki mindən çox Gürcüstan vətəndaşı deportasiya edilib
Tbilisi, 6 avqust, AZƏRTAC
Cari ilin birinci yarısında Avropa İttifaqı (Aİ) ölkələrindən 2124 Gürcüstan vətəndaşı deportasiya edilib. Bu da 2023-cü ilin eyni dövrü ilə müqayisədə 189 nəfər azdır.
AZƏRTAC xəbər verir ki, bu barədə Gürcüstan Daxili İşlər Nazirliyi məlumat yayıb.
Bildirilib ki, ən çox Gürcüstan vətəndaşı Almaniyadan deportasiya olunub – 1367 nəfər. İkinci yerdə 299 nəfərlə Fransa, 3-cü yerdə isə 91 nəfərlə Yunanıstandır.
Xatırladaq ki, 2023-cü ilin birinci yarısında Aİ ölkələri 2313 gürcüstanlını deportasiya edib.
Qeyd edək ki, 2017-ci ilin mart ayından Gürcüstan vətəndaşlarına turizm, işgüzar və qonaq səfərləri üçün Şengen ölkələrinə vizasız qısamüddətli (90 gün) səfərlər etmək hüququ verilib.
AZƏRTAC-ın xüsusi müxbiri
Tbilisi
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]