Fransada son 4 ilin ən kasad taxıl yığımı gözlənilir
Bakı, 12 iyul, AZƏRTAC
Fransa fermerləri son illərin ən kasad yığımı ilə üzləşməli olacaqlar. Güclü yağışlar, qasırğa, günəşli günlərin azlığı, şiddətli istilər ilk növbədə buğda yığımına mənfi təsir göstərib.
AZƏRTAC xarici mediaya istinadla xəbər verir ki, mütəxəssislər ölkədə taxıl istehsalının orta illik göstəricilərlə müqayisədə 13-20 faiz azalacağını iddia edirlər.
Fransa Kənd Təsərrüfatı Nazirliyinin proqnozlarına görə, bu il yumşaq buğda istehsalı 15,4 faiz azalaraq 29,7 milyon tona enəcək ki, bu da 2020-ci ildən bəri ən aşağı göstərici deməkdir.
Buğda yığımının gözlənilən sahəsi 2023-cü ildəki 4,75 milyon hektarla müqayisədə 4,24 milyon hektardır.
Nazirliyin hesablamalarına görə, arpa istehsalı 8 faiz azalaraq 11,29 milyon tona, kanola istehsalı isə 7,7 faiz azalaraq 3,94 milyon tona enəcək.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]