“Günay” teatr-studiyası mövsümə yekun vurub
Bakı, 9 iyul, AZƏRTAC
Bakı Uşaq və Gənclər Teatrının “Günay” Uşaq Teatr-studiyası 21-ci teatr mövsümünü Qusar Dövlət Ləzgi Dram Teatrının səhnəsində Üzeyir Hacıbəylinin “Arşın mal alan” musiqili komediyasına dair tamaşa ilə başa vurub.
AZƏRTAC xəbər verir ki, “Günay” teatrı bu mövsümdə çox fəal işləyib. Teatrın səhnəsində Rəsul Həmzətovun 100 illik yubileyi ilə bağlı tamaşa, “Lermontov”, “Puşkinin nağılları” tamaşaları, S.Yeseninin əsərləri əsasında kompozisiya, “Əjdaha-24” Yeni İl şousu və digər tədbirlər təşkil edilib.
Bu mövsümdə teatr Azərbaycan Teatr Xadimləri İttifaqının auditoriya zalında, Bakıdakı Rus evində, Rus Mədəniyyəti Mərkəzində, Səməd Vurğunun, Bülbülün, Üzeyir Hacıbəylinin ev-muzeylərində, Azərbaycan Yaradıcılıq Mərkəzində və müxtəlif mədəniyyət müəssisələrində dəfələrlə çıxış edib.
Teatrın gənc aktyorları eyni zamanda yazıçı Eldar Əhədovun qələmə aldığı dastan əsasında “Xarıbülbül” filmində rol alıblar.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]