Britaniyanın yeni müdafiə naziri Ukraynada səfərdədir
London, 7 iyul, AZƏRTAC
Britaniyanın yeni müdafiə naziri Con Hili Ukraynaya səfər edib. AZƏRTAC xəbər verir ki, Con Hili Ukrayna Prezidenti Volodimir Zelenski ilə görüşüb. O, həmçinin ukraynalı həmkarı Rüstəm Umerov ilə mətbuat konfransı keçirib. Con Hili Böyük Britaniyanın Ukraynaya yeni bir yardım paketi təqdim edəcəyini elan edib. O, qeyd edib ki, bu paketə daha çox artilleriya silahı, 250 min sursat və təxminən 100-ə yaxın dəqiq “Brimstone” raketi daxildir.
Müdafiə naziri həmçinin aprel ayında Ukraynaya vəd verilən hərbi dəstəyin qarşıdakı 100 gün ərzində yerinə yetiriləcəyini söz verib. O, Britaniya hökumətinin Ukraynaya hərbi yardımı davam etdirmək öhdəliyinə sadiq olduğunu deyib.
“Bu, mənim bu işdə ikinci günümdür. Yeni baş nazirimiz Kir Starmerin prezidentinizə verdiyi öhdəliyi vurğulamaq mənim üçün birinci prioritet idi”,- deyə müdafiə naziri qeyd edib.
AZƏRTAC-ın xüsusi müxbiri
London
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]