UNEP-in icraçı direktoru Azərbaycanda “yaşıl” iqtisadiyyata keçidlə bağlı görülən işlər haqqında məlumatlandırılıb
Bakı, 27 iyun, AZƏRTAC
İqtisadiyyat nazirinin birinci müavini Elnur Əliyev BMT Baş katibinin müavini və Ətraf Mühit Proqramının (UNEP) icraçı direktoru İnger Andersenlə görüşüb.
İqtisadiyyat Nazirliyindən AZƏRTAC-a bildirilib ki, görüşdə Azərbaycanın BMT-nin müxtəlif ixtisaslaşmış qurumları, o cümlədən Ətraf Mühit Proqramı ilə sıx əməkdaşlıq etdiyi vurğulanıb. Alternativ və bərpaolunan enerji mənbələrindən istifadə, həmçinin ekoloji baxımdan əlverişli “yaşıl” texnologiyaların tətbiqi və “yaşıl” iqtisadiyyata keçidlə bağlı ölkəmizdə görülən işlər haqqında məlumat verilib. Bu məsələlərin Azərbaycanın Milli Prioritetlərindən biri ilə bağlı olduğu qeyd edilib. Eyni zamanda, bu il Bakıda keçiriləcək COP29-a hazırlıq çərçivəsində görülən işlər diqqətə çatdırılıb.
Görüşdə Azərbaycanda alternativ enerjiyə keçid sahəsində görülən işlər təqdir olunub, 2024-cü ilin “Yaşıl dünya naminə həmrəylik ili” elan edilməsi, həmçinin bu sahədə həyata keçirilən tədbirlər yüksək qiymətləndirilib.
Tərəflər BMT-nin Ətraf Mühit Proqramı ilə əməkdaşlığın genişləndirilməsi, ölkəmizin UNEP-in maliyyə və “Qlobal soyutma” təşəbbüslərinə qoşulması imkanları, COP29-a hazırlıq çərçivəsində əməkdaşlıq barəsində fikir mübadiləsi aparıblar.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]