Culian Assanj Britaniyanı tərk edib
London, 25 iyun, AZƏRTAC
“Wikileaks” portalının təsisçisi Culian Assanj Britaniyanı tərk edib.
AZƏRTAC xəbər verir ki, “Wikileaks” portalının “X” sosial media səhifəsində C.Assanjın Britaniyanı tərk etmə videosu yayılıb. Bildirilib ki, Assanj Londonun Belmarş həbsxanasında 1901 gün saxlanıldıqdan sonra, iyunun 24-də səhər saatlarında həbsxananı tərk edib.
“O, London Ali Məhkəməsi tərəfindən zaminə buraxılıb və eyni gün saat 17:00 radələrində Stansted hava limanında təyyarəyə minərək Britaniyanı tərk edib”,- deyə sosial media səhifəsindəki məlumatda qeyd olunur.
Qeyd edək ki, Culian Assanj və ABŞ hökuməti arasında razılaşma əldə olunub. Razılaşmaya görə, Culian Assanj casusluq ittihamı üzrə öz təqsirini etiraf etməsi müqabilində azad olunacaq. Assanj Marian adalarında, Qərbi Sakit okeanda yerləşən ABŞ mülkiyyətindəki federal məhkəmədə çərşənbə günü səhər saatlarında hakim qarşısında çıxış edəcək.
Razılaşma federal hakim tərəfindən təsdiqləndiyi təqdirdə Assanjın həbsxanada keçirdiyi vaxt nəzərə alınacaq və onun dərhal doğma ölkəsi olan Avstraliyaya qayıtmasına imkan veriləcək.
AZƏRTAC-ın xüsusi müxbiri
London
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]