Gürcü deputat: Gürcüstanda Qurban və Ramazan bayramlarına rəsmi status verilməlidir
Tbilisi, 17 iyun, AZƏRTAC
Gürcüstanda Qurban və Ramazan bayramlarına rəsmi status verilməlidir və bayram günləri qeyri-iş günü elan olunmalıdır.
AZƏRTAC xəbər verir ki, bu sözləri Gürcüstan parlamentinin müstəqil deputatı Tariel Nikaidze söyləyib.
Ölkə müsəlmanlarını Qurban bayramı münasibətilə təbrik edən deputat deyib ki, milli və dini azlıqların dini bayramlarına rəsmi status verilməsi və həmin günlərin qeyri-iş günü elan olunması üçün qanunvericilik təşəbbüsü qaydasında Gürcüstan parlamentinə müraciət edilib: “Hesab edirəm ki, Qurban və Ramazan bayramlarının Gürcüstanda rəsmi dini bayram günləri olaraq qeyd olunması ölkəmizdə yaşayan müsəlman vətəndaşların haqqıdır”.
Onun sözlərinə görə, Gürcüstanda müsəlmanların heç bir bayramının rəsmi status daşımaması diskriminasiya hesab olunur. Bunun aradan qaldırılması üçün, üç ay bundan öncə dini azlıqların dini bayram günlərinin qeyri-iş günü olması ilə bağlı qanunvericilik təşəbbüsü hazırlanıb və parlamentə təqdim olunub.
“Müsəlmanları bu ölkədə kimsə ikinci dərəcəli görməməlidir. Biz bu ölkənin müsəlman vətəndaşlarıyıq və ümid edirik ki, təklifimiz müsbət qiymətləndiriləcək”, – deyə T.Nikaidze vurğulayıb.
Xətayi Əzizov
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]