Gəncə Dövlət Universitetinin tələbələri mükafatlandırılıb
Gəncə, 31 may, AZƏRTAC
AzEdu.az təhsil portalı və ali məktəblərin birgə təşkilatçılığı ilə həyata keçirilən “Brend tələbə” layihəsi çərçivəsində xüsusi meyarlara layiq bilinən tələbələrin mükafatlandırılması davam edir.
AZƏRTAC-ın bölgə müxbiri xəbər verir ki, AzEdu.az və Gəncə Dövlət Universitetinin birgə təşkilatçılığı ilə həmin universitetdə təhsil alan “Brend tələbə”lər təltif olunublar.
Tədbirdə universitetin Elm və innovasiyalar üzrə prorektoru, deputat Pərvin Kərimzadə, Humanitar məsələlər üzrə prorektor Gülsüm Fətəliyeva, AzEdu.az təhsil portalının təsisçisi, Parlament Jurnalistlər Birliyinin sədri Elşad Eyvazlı, portalın Regional koordinatoru Leyla Camalzadə və tələbələr iştirak ediblər.
Pərvin Kərimzadə çıxış edərək, “Brend tələbə” statusuna layiq görülmüş gəncləri təbrik edib və Azərbaycan gənclərinin ölkənin sosial-iqtisadi həyatındakı fəal rolundan danışıb.
Daha sonra Elşad Eyvazlı və Leyla Camalzadə tələbələrə gələcək fəaliyyətlərində uğurlar arzu edib, uğur qazanmağın sirlərindən söhbət açıblar.
Çıxışlardan sonra GDU-nun “Brend tələbə”lərinə təltifnamələr təqdim olunub.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]