Bakıda Rəqəmsal İmkanlar Mərkəzi yaradılacaq
Bizim WhatsApp kanalımıza buradan abunə ola bilərsiniz
“İqtisadiyyat Nazirliyi olaraq qarşıdakı bir neçə il ərzində bir sıra real addımlar atmağı planlaşdırırıq. Gələn il biz Bakıda Rəqəmsal İmkanlar Mərkəzinin yaradılmasını və fəaliyyətə başlamasını planlaşdırırıq”.
Oxu.Az xəbər verir ki, bunu iqtisadiyyat nazirinin I müavini Elnur Əliyev Bakıda keçirilən “InMerge” İnnovasiya Sammitində bildirib.
Onun sözlərinə görə, bu mərkəz yerli şirkətlərə məhsuldarlıq və rəqabət qabiliyyətini artırmaq üçün innovasiyalara və prosesləri rəqəmsallaşdırmağa kömək edəcək:
“Eyni zamanda, novatorlarımız bu mərkəzdə öz rəqəmsal yeniliklərini nümayiş etdirə biləcəklər. Biz, həmçinin, bütün rəqəmsallaşdırma və innovasiya prosesində şirkətlərimizə kömək edəcək inteqrasiya olunmuş dəstək proqramını işə salmağı planlaşdırırıq. İnnovasiyanı bir proses kimi gördüyümüz üçün konsepsiyadan inkişafa və inkişafdan tətbiqə qədər bütün prosesdə sahibkarlarımızın və yenilikçilərimizin yanında olacağıq.
Bundan əlavə, biz cəmiyyətə və hökumətə fayda gətirəcək yeniliklər gətirəcək şəhərlərin rəqəmsal əkizi (city digital twins) kimi yeni texnologiyaları yaxından izləyirik.
Ölkəmizin tərəqqisində ixtisaslı rəqəmsal işçi qüvvəsinin əsas rolunu dərk edərək, digər nazirliklər və hökumət orqanları ilə sıx əməkdaşlığa başladıq. Kollektiv səyimiz rəqabətədavamlı insan kapitalı və müasir innovasiya məkanı kimi milli prioritetimizlə uyğunlaşaraq, ölkəmizdə rəqəmsal istedadların yetişdirilməsinə və genişləndirilməsinə yönəlib”.
Könül Cəfərli
BƏNZƏR MƏQALƏLƏR
-
“GTA 6” oyununun buraxılış tarixi məlum oldu – VİDEO
Bizim WhatsApp kanalımıza buradan abunə ola bilərsiniz “Take-Two Interactive” video oyun tərtibatçısı 2024-cü maliyyə ili […]
-
Milyarder Frenk Makkurt “TikTok”un ABŞ biznesini almaq istəyir
Bizim WhatsApp kanalımıza buradan abunə ola bilərsiniz Milyarder Frenk Makkurt “TikTok”un ABŞ biznesini almaq niyyətində […]
-
Ən böyük smartfon istehsalçısının adı AÇIQLANDI
Bizim WhatsApp kanalımıza buradan abunə ola bilərsiniz “Samsung” on il ərzində bazara təxminən üç milyard […]