Türkiyədə yanlış təyyarəyə mindirilən sərnişinlərin həyəcanlı anları – VİDEO
Bizim WhatsApp kanalımıza buradan abunə ola bilərsiniz
Türkiyədə aeroportda qəribə hadisə təyyarələrin gecikməsinə səbəb olub. Hadisə paytaxtda baş verib. Belə ki, Ankaradan Batmana gedən sərnişinlər onları təyyarəyə aparan nəqliyyat vasitəsinin səhvinə görə Amsterdama gedən təyyarəyə miniblər.
Səhv artıq təyyarənin göyərtəsində məlum olub. Belə ki, sərnişinlərdən biri Batmana getdiyini, digəri isə Amsterdama getdiyini deyib və göyərtədə çaşqınlıq yaranıb.
Sərnişinlərdən biri lentə aldığı həmin anları sosial media hesabında paylaşıb.
“Hazırda Ankara-Amsterdam reysindəyik. Avtobusla təyyarənin qarşısına gəldik. Uşaq arabasını vermək istəyəndə sərnişinlərdən biri bu “Batman təyyarəsi deyil?” deyə soruşdu. Biz də “qardaşım, nə Batman, bu Amsterdama gedir” dedik. O da Amsterdama deyil, Batmana getdiyini dedi. Hazırda təyyarənin içərisində Batman Amsterdam sərnişinləri tamamilə çaşqın vəziyyətdədirlər. Bütün Batman sərnişinlərini bir-bir çağırırlar. Bu bizim də başımıza gəldi”, – deyə sərnişin olanları danışıb.
Bildirilir ki, qarışıqlığı görən kabin heyəti anonsla xəbərdarlıq edib və Batmana səyahət edən sərnişinlərin dərhal məlumat verməsini istəyib.
Elanı eşidən digər sərnişinlər şoka düşüblər. Nəhayət Batmana gedən sərnişinlər endirilib və təyyarə gecikmə ilə Amsterdama doğru yola düşüb.
Mənbə: İnternethaber.com
BƏNZƏR MƏQALƏLƏR
-
Tarix və mədəniyyətimizin qorunduğu məkanlar – Atropatenadan bu günədək
Bizim WhatsApp kanalımıza buradan abunə ola bilərsiniz Hər il mayın 18-i dünya ölkələrində Beynəlxalq Muzeylər […]
-
AZAL ilə Pekinə xüsusi qiymətlərlə səyahət etmək fürsətini qaçırmayın
Bizim WhatsApp kanalımıza buradan abunə ola bilərsiniz Azərbaycanın milli aviadaşıyıcısı AZAL 2024-cü il mayın 31-nə […]
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]