Bakı hava limanında yanğın-xilasetmə təlimləri keçirilir
AZAL QSC-nin Aviasiya Təhlükəsizliyi Baş İdarəsinin yanğın bölmələri və xilasetmə dəstələri Heydər Əliyev Beynəlxalq Aeroportunun müxtəlif obyektlərində, o cümlədən uçuş-enmə zolağında, aerovağzal kompleksində, yanacaq-sürtkü materialları anbarında, aeronaviqasiya qurğularında və təyyarə anqarında şərti yanğınsöndürmə və xilasetmə işləri aparırlar.
AZAL-dan verilən məlumata görə, təlimlərin məqsədi artan mürəkkəblik şəraitində yanğının söndürülməsi və sərnişinlərin xilas edilməsi üçün yanğın bölmələrinin və xilasetmə qruplarının hazırlıq səviyyəsini, yanğın su təchizatı mənbələrinin istismara yararlılığını yoxlamaqdır.
Yanğınsöndürmə briqadaları və xilasedicilər vəziyyəti səriştəli şəkildə qiymətləndirməli, yanğının miqyasını minimuma endirməklə simulyasiya edilmiş fövqəladə halın ağırlaşmasının qarşısını almalı, sonradan təxliyə və ilkin tibbi yardım göstərməklə zərərçəkənlərin axtarışını vaxtında təşkil etməlidir.
Kompleks təhlükəsizlik tədbirləri çərçivəsində bu cür təlimlər mütəmadi olaraq keçirilir və hava limanının əməkdaşlarının fövqəladə hallara hazırlanmasının mühüm tərkib hissəsidir.
BƏNZƏR MƏQALƏLƏR
-
Tarix və mədəniyyətimizin qorunduğu məkanlar – Atropatenadan bu günədək
Bizim WhatsApp kanalımıza buradan abunə ola bilərsiniz Hər il mayın 18-i dünya ölkələrində Beynəlxalq Muzeylər […]
-
AZAL ilə Pekinə xüsusi qiymətlərlə səyahət etmək fürsətini qaçırmayın
Bizim WhatsApp kanalımıza buradan abunə ola bilərsiniz Azərbaycanın milli aviadaşıyıcısı AZAL 2024-cü il mayın 31-nə […]
-
Bakı-Dubay reysi ilə bağlı AZAL-dan AÇIQLAMA
Bizim WhatsApp kanalımıza buradan abunə ola bilərsiniz “Azərbaycan Hava Yolları” aviaşirkətinin Bakı-Dubay marşrutu üzrə J2 […]