![](http://economic.az/uploads/2024/06/17179312121064746751_1200x630.jpeg)
Yevlaxda güclü küləklə müşahidə olunan yağıntının fasadları aradan qaldırılır
Yevlax, 9 iyun, AZƏRTAC
İyunun 8-də Yevlax rayonu ərazisində güclü külək əsməsi və şiddətli yağış yağması nəticəsində elektrik və su təsərrüfatına ciddi ziyan dəyib. Belə ki, elektrik dirəkləri və ağaclar aşıb, kabellər zədələnib, rayonun elektrik enerjisi ilə təminatında fasilələr yaranıb. Kanalizasiya xətləri su axınını çatdırmadığından yağıntılar küçələrdə və prospektlərdə yığılıb, gölməçələr yaranıb.
AZƏRTAC-ın bölgə müxbiri xəbər verir ki, Yevlax Şəhər İcra Hakimiyyətinin, şəhər Fövqəladə Hallar Komissiyasının operativ reaksiyası nəticəsində ərazilərə Mənzil Kommunal Təsərrüfatı Birliyinin canlı qüvvəsi və texnikaları, aidiyyəti xidmət sahələrinin işçiləri cəlb olunub. Yaranmış fövqəladə vəziyyətin qarşısının alınması üçün kommunal xidmət sahələri ilə yanaşı, şəhər sakinləri də xüsusi əzmkarlıq nümayiş etdirirlər. Hazırda elektrik təsərrüfatının bərpası, həmçinin küçələrə, prospektlərə və sakinlərin evlərinə dolmuş sel sularının nasoslar vasitəsilə kənarlaşdırılması istiqamətində işlər həyata keçirilir, aşmış ağaclar ərazidən daşınır.
BƏNZƏR MƏQALƏLƏR
-
Dünyada sink-ion batareyaları istehsal edən ilk meqa fabrik açılıb
Bakı, 8 sentyabr, AZƏRTAC Dünyanın ilk sink-ion akkumulyator istehsal edən meqa fabriki İsveçdə açılıb. AZƏRTAC […]
-
“Titanik” filminin məşhur mahnısının müəllifi vəfat edib
Bakı, 8 sentyabr, AZƏRTAC “Titanik” filmində səslənən “My heart will go on” mahnısının sözlərinin müəllifi, […]
-
Azərbaycan Haaqada 12-ci “Səfirliklər Festivalı”nda təmsil olunub
Haaqa, 8 sentyabr, AZƏRTAC Haaqanın mərkəzi meydanında 12-ci “Səfirliklər Festivalı” keçirilib. Festivalda Azərbaycan da daxil […]