Azərbaycan Respublikası Sahibkarlar (İşəgötürənlər) Təşkilatları Milli Konfederasiyasında Dövlət Gömrük Komitəsinin əməkdaşları tərəfindən  “Xarici ticarətin təşviqi: gömrük tənzimlənməsi” mövzusunda təlim keçirilib.

ASK-dən Economic-ə verilən məlumata görə, təlim Dövlət Gömrük Komitəsinin gömrük tarif tənzimləmə şöbəsinin rəisi Əzizaga Hüseynov, Gömrük nəzarətinin təşkili baş idarəsinin ticarət dövriyyəsində yüklərə nəzarət şöbəsinin baş inspektorları Fərid Vəliyev  və Cəfər Quluzadə, həmçinin qeyri-ticarət dövriyyəsində gömrük nəzarətinin təşkil şöbəsinin inspektoru Üzel Gülmalıyev tərəfindən aparılıb. Təlimdə qeyd olunub ki, gömrük prosedurlarının avtomatlaşdırılması və elektron gömrük xidmətinin tətbiqi beynəlxalq ticarətin asanlaşdırılmasına, tranzit yüklərin daşınmasının sürətləndirilməsinə, subyektiv amillərin ləğv olunmasına, gömrük xidmətində operativliyin və şəffaflığın artırılmasına səbəb olub.