Yaşar Güler: Ankara Suriya və İraqda “təhlükəsizlik zonası” yaratmağa hazırdır
Ankara, 11 iyul, AZƏRTAC
Türkiyə cənub sərhədlərində yerləşən Suriyada və İraqda “təhlükəsizlik zonası” yaratmaq əzmindədir.
AZƏRTAC xəbər verir ki, bu barədə Türkiyənin milli müdafiə naziri Yaşar Güler “Politico” nəşrinə müsahibəsində bildirib.
“Biz İraq və Suriyanın 30-40 kilometr daxilinə doğru əraziləri terrorçulardan təmizləməyə hazırıq. Türkiyə silahlı qüvvələrinin (SQ) əməliyyatları son yaraqlının zərərsizləşdirilməsi prosesinə qədər davam edəcək”.
Ankaranın NATO-nun proqram və missiyalarında iştirakı məsələsinə toxunan müdafiə naziri Şimali Atlantika Alyansını “ən effektiv təhlükəsizlik çətir” adlandırıb.
Y.Güler qeyd edib ki, ayrı-ayrı Avropa dövlətlərinin NATO-ya alternativ yaratmaq cəhdləri Ankara tərəfindən dəstəklənmir. “Biz Avropanın öz təhlükəsizliyini artırmaq istəyini başa düşürük, lakin hesab edirik ki, yeni “müdafiə meydançasının” yaradılmasına ehtiyac yoxdur”, – deyə nazir qeyd edib.
O, həmçinin Ankaranın NATO-ya üzvlüyünün tənqid edilməsini absurd adlandırıb: “Hazırda alyansda 32 dövlət təmsil olunur. Onların mövqelərində ayrı-ayrı məsələlər üzrə fikir ayrılıqlarının olması tamamilə təbiidir”.
Ukraynadakı vəziyyəti şərh edən Y.Güler, Ankaranın bu ölkədə qan tökülməsinə son qoymaq üçün vasitəçilik səylərinə diqqət çəkib.
O vurğulayıb ki, Türkiyə Qara dəniz regionunun “strateji qarşıdurma zonasına” çevrilməsinə imkan verməyəcək.
Ramin Abdullayev
AZƏRTAC-ın xüsusi müxbiri
Ankara
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]