MƏZƏNNƏLƏR

QAYNAR XƏBƏRLƏR

vaksin

Vaksinasiya olunanlar da özünüqoruma tədbirlərini davam etdirməlidirlər”

Bu gün bəşəriyyəti cənginə alan koronavirus pandemiyasına (COVID-19) qarşı mübarizə davam etdirilir. Azərbaycan dövləti də pandemiyaya qarşı mübarizədə olduqca önəmli tədbirlər həyata keçirir. Təbii ki, pandemiyanın qarşısını almaq üçün təkcə dövlət deyil, hər bir vətəndaş qətiyyətlə mübarizə aparmalıdır.
Yeri gəlmişkən, əhali arasında müalicə zaman və peyvənddən sonrakı mərhələdə yanlışlığa yolvermə halları olur. Həkim-terapevt Xumar Novruzovanın sözlərinə görə, təəssüf ki, ev şəraitində müalicə olunanlar əksər hallarda qohum-əqrəbada, ətrafda infeksiyaya yoluxanlardan kiminsə resepti əsasında prosedur qəbul edirlər: “Bu, qətiyyən düzgün deyil. Əvvəla, koronavirus viral xəstəlikdir, antibiotiklə müalicə olunmur. Antibiotiklərlə o halda müalicə olunur ki, artıq həkim aparılan xüsusi analiz, kompüter tomoqrafiyası və digər vasitələrlə müayinələrdən sonra onun tətbiq olunmasına icazə verir. Bundan başqa, qan duruldan dərman və vasitələrdən aşırı dərəcədə istifadə etmək də düzgün deyil. Bu, doğrudur ki, COVID-19-a yoluxma zamanı qanda qatılaşma gedir və tromb yaranma ehtimalı böyük olur. Lakin bu, heç də o demək deyil ki, hamı aspirin qəbul etsin. Çoxlu aspirin qəbul edilməsi qanaxmalara aparıb çıxara bilər. Ona görə də belə hallarda müalicə mütləq həkim nəzarəti altında və ya həkimlə məsləhətləşəndən sonra edilməlidir”.
O, peyvənd vurulandan sonrakı mərhələdə də ehtiyatı əldən verməməyi məsləhət görüb: “Vaksinasiya olunanlar nəzərə almalıdırlar ki, peyvəndin qoruyuculuq faizi 90-95 faizdən çox deyil və ona görə də özünüqoruma tədbirləri davam etdirilməlidir. İkinci peyvənd dozası vurulandan üç-dörd həftə sonra xüsusi analiz nəticəsində immunitetin yaranıb-yaranmamasını yoxlamaq mümkündür. Poliklinika və klinikalara müraciət edərək bunu yoxlatmaq olar”.
“Ölkəmizdə bu infeksiyaya qarşı mübarizə ilə əlaqədar olaraq əhəmiyyətli tədbirlər görülür. Bir tərəfdən əl gigiyenası, sosial məsafənin saxlanılması və tibbi maska taxılması tədbirləri, digər tərəfdən, əhali arasında peyvəndlənmə tədbirləri davam edir”, – deyən həkim-terapevt əlavə edib ki, COVID-19-dan qorunmaq üçün bunların hamısı eyni vaxtda edilməlidir – həm peyvəndləmə aparılmalı, həm də digər tibbi qaydalar ciddi şəkildə gözlənilməlidir.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top