Tramp-Harris debatının şərtləri açıqlanıb
Vaşinqton, 6 sentyabr, AZƏRTAC
Sentyabrın 10-da ABŞ-da prezidentliyə namizədlər Donald Tramp və Kamala Harris arasında keçiriləcək ilk debatın detalları açıqlanıb.
AZƏRTAC-ın məlumatına görə, debat “ABC News” tərəfindən saat 21:00-da Filadelfiyada Milli Konstitusiya Mərkəzində təşkil olunacaq. Paralel olaraq “ABC News Live”, “Disney+” and “Hulu”-da canlı yayımlanacaq.
Debatın moderatorları Devid Myuir və Linsi Devis olacaq. Çıxışçı danışarkən digərinin mikrofonu bağlı olacaq. Debat 2 dəfə reklam fasiləsi olmaqla 90 dəqiqə çəkəcək. Müzakirə keçirilən otaqda yalnız moderatorlar olacaq, tamaşaçı qatılmayacaq. Açılış nitqi olmayacaq, hər bir namizədə bağlanış üçün 2 dəqiqə vaxt veriləcək. Çıxışçılar moderatorlar tərəfindən təqdim olunacaq. Əvvəlcədən yazılmış qeydlərin gətirilməsinə icazə yoxdur. Heç bir suallar və mövzular əvvəlcədən namizədlərlə paylaşılmayacaq. Namizədlər özləri ilə yalnız qələm, kağız və su götürə bilərlər. Sualları cavablandırmaq üçün 2, təkzib üçün 1 və davam etdirmək, dəqiqləşdirmək və cavab üçün əlavə 1 dəqiqə veriləcək.
Namizədlərin bir-birinə sual verməyinə icazə yoxdur. Kampaniya üzvlərinin reklam fasiləsi zamanı namizədlərlə ünsiyyət qurulmasına icazə verilməyəcək.
AZƏRTAC-ın xüsusi müxbiri
Vaşinqton
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]