MƏZƏNNƏLƏR

QAYNAR XƏBƏRLƏR

manat

Şirkət rəhbərinə cinayət işi açıldı – İşə götürmək adı ilə vətəndaşlardan rüşvət alıb

Korrupsiyaya yol verən şirkət rəhbəri barəsində cinayət işi başlanıb.

Baş Prokurorluğun mətbuat xidmətindən verilən məlumata görə, “Fakt Araşdırıcı-N” MMC-nin vəzifəli şəxslərinin qanunsuz əməlləri barədə Qida Təhlükəsizliyi Dövlət Agentliyindən daxil olan material Baş prokuror yanında Korrupsiyaya qarşı Mübarizə Baş İdarəsində araşdırılıb. Araşdırma zamanı Məhdud Məsuliyyətli Cəmiyyətin təsisçisi və direktoru Zeynal Məmmədovun 2017-2020-ci il tarixlərdə rəhbərlik etdiyi cəmiyyətə işə götürmək adı ilə vətəndaşlardan ümumilikdə 31 epizod üzrə 17 min manat məbləğində rüşvət aldığı müəyyən edilib. Həmçinin onun rəsmi sənədlərə bilə-bilə yalan məlumatlar daxil edərək maliyyə əməliyyatları həyata keçirdiyi, pul vəsaitini təkrarən leqallaşdırdığı aşkarlanıb.

Faktla bağlı cinayət işi başlanıb. Zeynal Məmmədov barəsində polisin nəzarəti altına vermə qətimkan tədbiri seçilib. Hazırda cinayət işi üzrə zəruri istintaq-əməliyyat tədbirləri davam etdirilir. (Atv.az)

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top