Şəhid polkovnik-leytenant Raquf Orucovun xatirəsinə cüdo turniri keçirilib
Ağdam, 13 iyul, Tahir Ağaməmmədov, AZƏRTAC
Ağdam Olimpiya İdman Kompleksində şəhid polkovnik-leytenant Raquf Orucovun xatirəsinə həsr olunan 14 – 12 yaşlı cüdoçuların açıq turniri keçirilib.
AZƏRTAC-ın bölgə müxbiri xəbər verir ki, Ağdam Olimpiya İdman Kompleksinin təşəbbüsü və Gənclər və İdman Nazirliyi, Qarabağ Regional Gənclər və İdman İdarəsi, Azərbaycan Cüdo Federasiyası ilə birgə təşkil edilən turnirdə respublikanın müxtəlif bölgələrindən 17 komanda üzrə 78 idmançı mübarizə aparıb.
Yarışın açılış mərasimində Azərbaycan Respublikasının Dövlət Himni səsləndirilib, şəhidlərin xatirəsi bir dəqiqəlik sükutla yad edilib.
Çıxış edənlər ölkəmizdə idmanın inkişafına göstərilən dövlət qayğısından, bu sahədə əldə olunan uğurlardan, şəhid polkovnik-leytenant Raquf Orucovun Vətən sevgisindən, həyat və döyüş yolundan bəhs ediblər.
Gərgin idman mübarizəsi ilə yadda qalan yarışda cüdoçular 10 çəki dərəcələrində öz qüvvələrini sınayıblar. Turnirin yekununda qalib idmançılara diplom və medallar təqdim edilib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]