Rusiyada “Vikipediya”ya məhdudiyyət qoyula bilər
Bizim WhatsApp kanalımıza buradan abunə ola bilərsiniz
Rusiyada girişinə məhdudiyyət qoyulmuş saytların sırasına “Vikipediya” da qoşula bilər. Buna səbəb martın 1-də Rusiyada VPN xidmətləri də daxil olmaqla məhdudiyyətdən yan keçmə vasitələrinin reklamını və ya yayılmasını qadağan edən qanunun qüvvəyə minməsidir.
Bu barədə Dövlət Dumasının deputatı Anton Qorelkin “Telegram” kanalında yazıb.
Qorelkin blokdan yan keçməyin yollarını təsvir edən və həmçinin bu üsullardan istifadə etməyi tövsiyə edən “Vikipediya” məqaləsinə diqqət çəkib.
“Vikipediya”nı bloklamaq üçün qanuni əsaslar var, bunun istifadəçilər arasında ciddi narahatlığa səbəb olmamasını təmin etmək qalır”, – o yazıb.
Onun sözlərinə görə, bu resursda mövcud olan bütün qiymətli məlumatların artıq surəti çıxarılıb, ensiklopedik standartlara uyğunlaşdırılıb və rus saytlarında yerləşdirilib.
O, “Vikipediya” məqaləsinə keçiddən sonra istifadəçiyə yazının Rusiya analoqlarından birində təhlükəsiz versiyasını açmağı təklif edilməsini irəli sürüb.
Deputat əlavə edib ki, bunun üçün lazım olan texniki həll artıq İnternet Texnologiyaları üzrə Regional İctimai Mərkəz tərəfindən hazırlanır.
Xatırladaq ki, Rusiyanın Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidməti (“Roskomnadzor”) “Wikimedia Foundation” qeyri-kommersiya təşkilatını dəfələrlə cərimələyib. İddialara səbəb layihənin Rusiya hərbçilərinin Ukraynadakı hərəkətləri ilə bağlı məlumatları silməkdən imtina etməsi olub.
Dekabr ayında “Wikimedia.ru”ya dəstək icması bağlandığını elan edib.
Mənbə: TASS
BƏNZƏR MƏQALƏLƏR
-
İnsanların süni intellektli köməkçiləri: Rəqəmsal klonlar
Bizim WhatsApp kanalımıza buradan abunə ola bilərsiniz İnsanlar bütün işlərini onların əvəzinə görməsi üçün özlərinin […]
-
Yenilənmiş insanabənzər robot təqdim olundu – VİDEO
Bizim WhatsApp kanalımıza buradan abunə ola bilərsiniz “Boston Dynamics” şirkəti tam elektriklə işləyən Atlas robotlarının […]
-
Pivə istehsalçısı və “Nokia”dan yeni telefon
Bizim WhatsApp kanalımıza buradan abunə ola bilərsiniz Son illərdə “Nokia” brendi altında cihazlar istehsal edən […]