“Rəqəmsal Jurnalistikaya doğru” Proqramının birinci mərhələsi yekunlaşıb

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzinin təşkilatçılığı və “Paşa Holdinq”in sponsorluğu ilə həyata keçirilən “Rəqəmsal Jurnalistikaya doğru” Proqramının birinci mərhələsi yekunlaşıb.

Economic-in məlumatına görə, proqram çərçivəsində baş tutan vebinar təlimlərdə spikerlər “Jurnalistikada son trendlər”, “Jurnalistikada etik qaydalar və Media Qanunu”, “Qlobal rəqəmsallaşmada Azərbaycan”, “Texnoloji xəbərlər”, “Elektron layihələr”, “Rəqəmsal bankçılıq”, “Startaplar”, “Süni İntellekt”, “Blokçeyn texnologiyası” və “Əşyaların interneti” kimi bir-birindən maraqlı mövzular ətrafında təlimlər keçiblər. Qeyd edək ki, Proqramın ikinci hissəsi təqdim olunmuş müxtəlif mövzular ətrafında keçirilən yazı müsabiqəsi ilə davam edir.