Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzinin təşkilatçılığı və “Paşa Holdinq”in sponsorluğu ilə “Rəqəmsal Jurnalistikaya doğru” proqramının üçüncü vebinar təlimi yekunlaşmışdır.

3-cü  günün vebinar təlimində  Elektron layihələr “ASAN ödəniş”, “ASAN Finans”, Rəqəmsal Bankçılıq, Elektron hökumət portalları, “myGov, “e-Gov” və “ASAN Login” mövzularında təlimçilər lazım olan məlumatları iştirakçılara bildiriblər.

Economic-in məlumatına görə, proqramın əsas məqsədi media nümayəndələrinin rəqəmsal hökumət sahəsindəki trendlər, elektron xidmətlər və həllər haqqında məlumatlandırılmaları və bu xidmətlərin vətəndaşlar arasında düzgün təbliğinin təmin edilməsidir.

Qeyd edək ki, Proqramı müvəffəqiyyətlə başa vuran iştirakçılar Elektron Hökumətin İnkişafı Mərkəzi tərəfindən xüsusi sertifikatla təltif olunacaqlar.