![](http://economic.az/uploads/2024/07/17212217436017763060_1200x630.jpg)
Qərbi Balkan ölkələrində anomal istilər hökm sürür
Podqoritsa, 17 iyul, AZƏRTAC
Qərbi Balkan regionunda davam edən anomal istilər bölgədəki ölkələrin təhlükəsizlik xəbərdarlığı verməsinə səbəb olub.
AZƏRTAC xəbər verir ki, ardıcıl ikinci həftədir region ölkələrinin bəzilərində havanın temperaturu 40 dərəcəni keçib.
Monteneqroda yüksək temperaturla əlaqədar “qırmızı” xəbərdarlıq elan olunub. Meteoroloqlar həftə sonunadək qızmar istilərin müşahidə olunacağı ilə bağlı xəbərdarlıq ediblər. Əhaliyə günün isti vaxtında evlərdən çıxmamaq tövsiyə edilib.
Serbiya ilə Bosniya və Herseqovinada da anomal istilərlə bağlı “qırmızı” xəbərdarlıq elan edilib. Bu ölkələrin hidrometeorologiya institutları insanları kənar fəaliyyətləri azaltmağa, səyahətə səhər tezdən və ya axşam saatlarında çıxmağa, günəşdən qoruyucu vasitələrdən istifadə etməyə çağırıb.
Bundan başqa, region ölkələrindən Şimali Makedoniya və Bolqarıstan meşə yanğınları ilə mübarizə aparır, Xorvatiyada isə son 60 ilin ən yüksək dəniz temperaturu qeydə alınıb.
Nihad Budaqov
AZƏRTAC-ın xüsusi müxbiri
Podqoritsa
BƏNZƏR MƏQALƏLƏR
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]
-
Dünyada sink-ion batareyaları istehsal edən ilk meqa fabrik açılıb
Bakı, 8 sentyabr, AZƏRTAC Dünyanın ilk sink-ion akkumulyator istehsal edən meqa fabriki İsveçdə açılıb. AZƏRTAC […]
-
“Titanik” filminin məşhur mahnısının müəllifi vəfat edib
Bakı, 8 sentyabr, AZƏRTAC “Titanik” filmində səslənən “My heart will go on” mahnısının sözlərinin müəllifi, […]