Qəbələ rayonunun nümayəndə heyəti Belarusda səfərdə olub
Qəbələ, 11 sentyabr, Mustafa Dadaşov, AZƏRTAC
Qəbələ Rayon İcra Hakimiyyətinin başçısı Səbuhi Abdullayevin rəhbərlik etdiyi nümayəndə heyəti Belarusun Qəbələ ilə qardaşlaşmış Qrodno şəhərində işgüzar səfərdə olub.
Rayon icra hakimiyyətindən AZƏRTAC-ın bölgə müxbirinə bildirilib ki, səfər çərçivəsində nümayəndə heyəti şəhər rəhbərliyi ilə görüşüb. Görüşdə Qrodno şəhəri ilə Qəbələ rayonu arasında mövcud əlaqələrin perspektivləri müzakirə olunub.
Səfər zamanı nümayəndə heyəti İkinci Dünya müharibəsi iştirakçılarının xatirəsinə həsr olunmuş abidə kompleksini ziyarət edib, həmçinin Qrodno Beynəlxalq İqtisadi Forumunda iştirak ediblər. Forum çərçivəsində “Qəbələ şəhəri (Azərbaycan Respublikası) ilə Qrodno şəhəri (Belarus Respublikası) arasında 2024-2026-cı illər üçün qardaşlaşmış şəhərlərin qarşılıqlı əlaqələrinin yaradılmasına dair “Anlaşma Memorandumu”nun həyata keçirilməsi haqqında Tədbirlər Planı – “Yol xəritəsi” imzalanıb.
Daha sonra nümayəndə heyəti Qrodno şəhərinin sənaye, iqtisadi və turizm potensialını əks etdirən sərginin açılış və sərgiyə baxış mərasimlərində, həmçinin şəhərin 896-cı ildönümü münasibətilə təşkil edilmiş “Şəhər günü” bayram tədbirlərində və ənənəvi Pendir festivalında iştirak edib.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]