Qazaxıstanın Almatı vilayətində ticarət obyektləri yenidən bağlanır. Vilayətdə kütləvi tədbirlərin keçirilməsinə ciddi qadağa qoyulacaq, ictimai nəqliyyat isə yalnız səhər və axşam fəaliyyət göstərəcək.

Economic.az AZƏRATAC a istinadən xəbər verir ki, regionun baş sanitar həkimi Kayrat Baymuxambetov bu barədə məlumat verib. Bildirib ki, regionda koronavirus hallarının artması müşahidə edildiyinə görə, bu məcburi tədbirdir.

Almatı vilayətində COVID-19-a yoluxmuş şəxslərin ümumi sayı 400 nəfərdən çoxdur.

Son həftə ərzində xəstələnmənin ümumi sayı 4,5 faizə qədər artıb.

Qeyd edək ki, son məlumata görə, Qazaxıstanda koronavirusa yoluxanların sayı 12511, sağalanlar 7135, ölənlərin sayı isə 53 nəfərə çatıb.