MƏZƏNNƏLƏR

QAYNAR XƏBƏRLƏR

aiib

Qazaxıstan pandemiya ilə mübarizə üçün kredit alıb

Asiya İnfrastruktur İnvestisiya Bankının (AİİB) Direktorlar Şurası bankın COVID-19 böhranına qarşı fondundan Qazaxıstana 661,8 milyon avro ayrılmasını təsdiqləyib.

Economic.Az AZƏRTAC-a istinadən bildirir ki, vəsait pandemiyanın ölkə əhalisinin sağlamlığına, gəlirlərinə və iqtisadi imkanlarına mənfi təsirlərinin azaldılması üçün Qazaxıstan hökumətinə büdcə dəstəyi göstərəcək. Asiya İnkişaf Bankı ilə birgə maliyyələşdirilən “COVID-19 cavab tədbirləri və xərclərin dəstəklənməsi” proqramı Qazaxıstanda həssas əhali qrupları üçün ərzaq qiymətlərinin artımının nəticələrinin azaldılmasını, sosial ödənişlərin artırılmasını, müəssisələrin maliyyə yükünün yüngülləşdirməsi üçün yeni vergi güzəştlərinin tətbiqini və işsizlərə maliyyə ödənişlərinin verilməsini əhatə edir.

Qeyd edək ki, Azərbaycanın təsisçi-üzv olduğu Asiya İnfrastruktur İnvestisiya Bankı dövlət və özəl sektordan olan müştərilərin pandemiya ilə əlaqədar artan tələbatını ödəmək üçün COVID-19 böhranına qarşı fondunu 2 dəfə artıraraq 10 milyard ABŞ dollarına çatdırıb. İndiyədək fonddan Hindistan, Çin, Banqladeş, Filippin, Türkiyə, Gürcüstan da daxil olmaqla bir neçə ölkədə ümumilikdə 13 layihəyə 5,5 milyard dollar vəsait ayrılıb.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top