PAŞA Sığorta şirkəti yeni ofisə köçür - Economic.Az
MƏZƏNNƏLƏR
FreeCurrencyRates.com

QAYNAR XƏBƏRLƏR

PAŞA Sığorta şirkəti yeni ofisə köçür

PAŞA Sığorta şirkəti artıq müştəriləri yeni ofisdə qarşılayacaq. PAŞA Sığorta şirkətinin baş ofisi M. Useynov prospekti, 61 ünvanında yerləşən “Sahil Plaza” adlanan yeni binaya köçür (“Dalğa Plaza ilə üzbəüz”). Baş ofisdə şirkət rəhbərliyi, müştəri xidmətləri, sığorta iddiaları və hüquqi təminat departamenti də daxil olmaqla, şirkətin bütün struktur bölmələri yerləşir.

Qeyd etmək istərdik ki, PAŞA Sığorta şirkətinin baş ofisi L. Tolstoy 170 ünvanında yerləşirdi. Ofisin köçmə prosesi 30 yanvar-6 fevral tarixlərini əhatə edəcək. Şirkətin baş ofisində yerləşən müştəri xidmətləri, sığorta iddiaları və hüquqi təminat departamenti 6 fevraldan etibarən artıq yeni ünvanda müştəriləri qarşılayacaq. Şirkətin əlaqə nömrələri də dəyişib : (012) 5051222, (012) 5051221 (faks). Qeyd edək ki, PAŞA Sığorta şirkəti 2006-cı ildən fəaliyyət göstərir.

PAŞA Holding qrupunun üzvü olan PAŞA Sığorta korporativ və fərdi müştərilərə 36 növ könüllü və icbari sığorta üzrə xidmət göstərir. Müştərilərinin məmnuniyyətini daima yüksək səviyyədə saxlayan PAŞA Sığorta 10 illik fəaliyyət müddəti ərzində ümumilikdə 115 890 100 AZN sığorta ödənişi etmişdir. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətidir.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.

Top