“Muxtariyyət kuboku”nun final oyunu keçirilib
Naxçıvan, 7 sentyabr, AZƏRTAC
Naxçıvan şəhərində Azərbaycan və Türkiyə komandalarının iştirakı ilə yeniyetmə qızlar arasında muxtar respublikanın 100 illik yubileyinə həsr olunmuş “Muxtariyyət kuboku” uğrunda birincilik keçirilib.
AZƏRTAC-ın Naxçıvan bürosu xəbər verir ki, Azərbaycan Voleybol Federasiyasının dəstəyi, Naxçıvan Muxtar Respublikası Gənclər və İdman Nazirliyi və Naxçıvan Voleybol Federasiyasının birgə təşkilatçılığı ilə sentyabrın 4-dən start götürən turnirdə 8 komanda iştirak edib.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli sentyabrın 7-də keçirilən final oyununu izləyib.
Final oyununda “Naxçıvan” və “Əskişəhər” komandaları meydana çıxıblar. Gərgin və maraqlı mübarizə zəminində keçən yarışı Olimpiya İdman Kompleksində çoxsaylı tamaşaçı izləyib. Oyun “Əskişəhər” komandasının 3:2 hesablı qələbəsi ilə başa çatıb.
Qarşılaşmanın ardınca mükafatlandırma mərasimi keçirilib. Nəticələrə əsasən, birinciliyin rəmzi komandasının üzvləri seçilən idmançılar “Ən yaxşı hücumçu”, “Ən yaxşı libero”, “Ən yaxşı blokçu”, “Ən yaxşı toppaylayıcı”, “Ən yaxşı diaqonal oyunçu” və “Ən dəyərli oyunçu” nominasiyaları üzrə mükafatlandırılıblar.
Sonra “Muxtariyyət kuboku” uğrunda birincilikdə ilk üç yerin qalibi olmuş komandalara medal və kuboklar təqdim olunub.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]