![](http://economic.az/uploads/2024/07/17212252275100826849_1200x630.jpg)
Lənkəranda yay məktəbinin iştirakçıları ilə görüş keçirilib
Bakı, 17 iyul, AZƏRTAC
“Yaşıl dünya naminə həmrəylik ili” çərçivəsində Lənkəran Dövlət Universiteti (LDU) tələbələri üçün Lənkəran şəhərində təşkil olunan yay məktəbi öz işini davam etdirir.
Yay məktəbinin üçüncü günündə Bakı Slavyan Universitetinin (BSU) rektoru Anar Nağıyev və LDU-nun rektoru Natiq İbrahimov tələbələrlə görüşlər.
Bu barədə AZƏRTAC-a BSU-dan məlumat verilib. Bildirilib ki, rektorlar iki universitet arasında möhkəmlənən əlaqələrdən və yay məktəbinin tələbələrə qazandırdığı geniş təcrübədən bəhs edərək, gələcəkdə də BSU və LDU tələbələrinin iştirakı ilə daha geniş tərkibdə yeni yay məktəblərinin təşkilinin və universitetlər arasında tələbə mübadiləsinin mümkünlüyünü vurğulayıblar.
BSU-nun rektoru Anar Nağıyev tələbələrə “İqlim dəyişikliyi və insan inkişafı” mövzusunda seminar keçib. İqlim dəyişikliyinin səbəb olduğu ekoloji təsirlərdən bəhs edən A.Nağıyev, həmçinin COP29-un Azərbaycanda keçirilməsinin önəmi və ölkəmizin iqlim dəyişikliyi ilə mübarizədə artan rolu barədə geniş məlumat verib.
Görüşdən sonra tələbələr Lənkəranda yerləşən çay plantasiyasına ekskursiya ediblər. Ekskursiya zamanı tələbələr çay plantasiyasının iş prosesi, çayın yığılması, emalı və qablaşdırılması mərhələləri haqqında ətraflı məlumat alıblar. Bu praktiki təcrübə tələbələrin nəzəri biliklərini genişləndirmək və kənd təsərrüfatı sahəsində dərin anlayış əldə etmək üçün əvəzsiz bir fürsət olub.
Belə tədbirlər tələbələrə nəzəri biliklərini praktik təcrübə ilə zənginləşdirmək və müxtəlif universitetlərin tələbələri arasında əlaqələri gücləndirmək imkanı yaradır.
Qeyd edək ki, iyulun 15-dən başlanmış yay məktəbi iyulun 19-dək davam edəcək.
BƏNZƏR MƏQALƏLƏR
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]
-
Dünyada sink-ion batareyaları istehsal edən ilk meqa fabrik açılıb
Bakı, 8 sentyabr, AZƏRTAC Dünyanın ilk sink-ion akkumulyator istehsal edən meqa fabriki İsveçdə açılıb. AZƏRTAC […]
-
“Titanik” filminin məşhur mahnısının müəllifi vəfat edib
Bakı, 8 sentyabr, AZƏRTAC “Titanik” filmində səslənən “My heart will go on” mahnısının sözlərinin müəllifi, […]