![](http://economic.az/uploads/2024/06/171799193829555204_1200x630.jpeg)
KXDR Cənubi Koreyaya 310 şarla tullantı göndərib
Bakı, 10 iyun, AZƏRTAC
İyunun 9-dan 10-na keçən gecə Şimali Koreya Cənubi Koreya ərazisinə tullantılarla doldurulmuş 310-a yaxın hava şarı buraxıb.
AZƏRTAC xəbər verir ki, bu barədə Yonhap agentliyi məlumat yayıb.
Bildirilib ki, polietilen torbalarda tullantı kağız şarlara yüklənib. Hələlik analizlərə görə, heç bir təhlükəli maddə aşkar edilməyib.
KXDR liderinin bacısı Kim Yo Çenq iyunun 8-dən 9-na keçən gecə 1400 şardan istifadə edildiyini bildirmişdi. Həmin vaxt Cənubi Koreyaya 7,5 ton tullantı kağız göndərilmişdi.
Qeyd edək ki, Cənubi Koreya Şimali Koreyanın hava şarları ilə zibil göndərməsindən sonra 2018-ci il imzalanmış Koreyalararası hərbi deeskalasiya sazişini tam dayandırıb və iki ölkə arasındakı hərbi demarkasiya xətti yaxınlığında hərbi fəaliyyətləri bərpa etməyi qərara alıb. Bundan başqa, Cənubi Koreyaya sığınmış şimallılar sərhəd zonada səsgücləndiricilər vasitəsilə Şimali Koreya əleyhinə təbliğat yayımını bərpa edib.
BƏNZƏR MƏQALƏLƏR
-
İqlimşünas: Rusiya ərazisi qlobal istiləşməyə iki dəfə daha çox məruz qalır
Bakı, 18 iyul, AZƏRTAC Rusiyanın aparıcı iqlimşünas aliminin fikrincə, iqlim dəyişikliyi Rusiyaya əhəmiyyətli dərəcədə təsir […]
-
Çində leysan səbəbindən 200-dən çox qatar səfəri ləğv edilib
Pekin, 18 iyul, AZƏRTAC Çinin Hınan əyalətində şiddətli yağışların yaratdığı sel, daşqın, torpaq sürüşməsi və […]
-
Çində ticarət mərkəzində baş verən yanğında 16 nəfər ölüb
Pekin, 18 iyul, AZƏRTAC Çinin Siçuan əyalətinin Ciqon şəhərində ticarət mərkəzinin yerləşdiyi binada baş verən […]