İri istehsalçıların bəyanatları nefti bahalaşdırır
Dünya birjalarında neft bahalaşmaqdadır.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,05 dollar və ya 1,05% artaraq 52,42 dollar təşkil edib.
ICE London qitələrarası birjasında Brent markalı neftin 1 barelinin dəyəri isə 0,06 dollar və ya 0,11% artaraq 55,55 dollar olub.
Neftin bahalaşmasının səbəblərinə gəlincə, OPEC üzvü olan ölkələrin nazirlərinin sözlərinə görə, ABŞ-da şist neft istehsalçılarının aktivləşməsi onları qorxutmur. Məsələn, Küveytin neft naziri Əssam əl-Marzuk qeyd edib ki, “qara qızıl”a olan tələbatın artması fonunda şist neft istehsalçılarının aktivləşməsi o qədər də qorxulu deyil: “Hasilatın azaldılması nefti bahalaşdıracaq, eyni zamanda neftə olan tələbatı artıracaq. Bu səbəbdən şist neft hasilatçılarının aktivləşməsi bizi narahat etmir”.
Qətərin energetika naziri Məhəmməd Saleh əs-Səda isə qeyd edib ki, əldə olunan şist neft hazırda artmaqda olan tələbatın ödənilməsinə yönələcək. “Şist neft hasilatının artmasına baxmayaraq, bazarda balans yaranmaqdadır”, – deyə o bildirib.
Bundan öncə Beynəlxalq Enerji Agentliyinin icraçı direktoru Fatih Birol bildirib ki, neftin bahalaşması fonunda şist neft istehsalçıları sutkalıq hasilatı 500 min barrel artıra bilər.
APA.AZ
BƏNZƏR MƏQALƏLƏR
-
Dollar bahalaşır: Avro və funt sterlinq düşür
Britaniya funt sterlinqinin dəyəri bazar ertəsi rekord həddə aşağı enib. Funt sterlinqin kəskin ucuzlaşması ABŞ […]
-
Qızıl sürətlə ucuzlaşır
Dünyada dollar indeksinin tarixi rekord səviyyəyə çatması fonunda qızılın qiyməti son 2,5 ilin minimumuna enib. […]
-
Pul bazası artıb
2022-ci il avqustun 1-nə olan vəziyyətə görə Azərbaycanda pul bazası 16,12 milyard manat təşkil edib. […]