![](http://economic.az/uploads/2024/06/17180336443409710032_1200x630.jpg)
İordaniya səfirinə Azərbaycanda son illər aparılan sosial islahatlar barədə məlumat verilib
Bakı, 10 iyun, AZƏRTAC
Ötən il İslam Əməkdaşlıq Təşkilatına (İƏT) üzv dövlətlərin əmək nazirlərinin ölkəmizdə keçirilən 5-ci konfransı çərçivəsində İƏT-in Bakıda açılışı olan Əmək Mərkəzi İslam ölkələri arasında əmək, məşğulluq, sosial müdafiə, insan kapitalının inkişafı sahələrində əlaqələri genişləndirməyə xidmət edir.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən AZƏRTAC-a verilən məlumata görə, bu barədə İordaniya Haşimilər Krallığının ölkəmizdə yeni təyin olunmuş səfiri Ömər Bərəkət əl-Naharla nazirlikdə keçirilən görüşdə vurğulanıb.
Əmək və əhalinin sosial müdafiəsi naziri Sahil Babayev Azərbaycanla İordaniya arasında münasibətlərin yüksək səviyyədə olduğunu bildirib. Azərbaycanda son illər aparılan sosial islahatlar və əldə olunan nailiyyətlər barədə səfirə məlumat verilib.
İki ölkənin əmək və sosial müdafiə sahəsində əməkdaşlığının genişləndirilməsinin önəmi qeyd edilib. Bununla bağlı ikitərəfli əməkdaşlıq üçün sənəd layihəsinin də hazırlandığı bildirilib.
Ömər Bərəkət əl-Nahar ölkələrimiz arasında əlaqələrin daim inkişafda olmasının məmnunluq doğurduğunu, sosial sahədə də ikitərəfli əməkdaşlığın inkişafına töhfə vermək əzmində olduğunu diqqətə çatdırıb.
Görüşdə iki ölkə arasında sosial sahədə gələcək əməkdaşlığa, habelə İƏT-in Bakıda yaradılmış Əmək Mərkəzinin üzv ölkələr üçün önəminə dair fikir mübadiləsi aparılıb.
BƏNZƏR MƏQALƏLƏR
-
Dünya Köçəri Oyunları: Astanada etnoaul qapılarını açdı
Astana, 8 sentyabr, AZƏRTAC 5-ci Dünya Köçəri Oyunları çərçivəsində Astanada “Köçərilər Dünyası” etnoaulunun açılışı olub. […]
-
Çinin valyuta ehtiyatları 2015-ci ildən bəri ən yüksək səviyyəyə çatıb
Bakı, 8 sentyabr, AZƏRTAC Avqust ayında Çinin valyuta ehtiyatları son 8,5 ilin ən yüksək səviyyəsinə […]
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]