İmişlidə 4 dost şəhidin adına bulaq istifadəyə verilib
İmişli, 11 iyul, Aydın Yavərzadə AZƏRTAC
Bir məhlədə boya başa çatmışdılar, amalları məqsədləri də bir idi. Qısa ömür sürməklərinə baxmayaraq, hər biri ən uca məqama sahib olanlar sırasında yer aldı. Söhbət 4 dostdan – Məmmədli Cavidan Çimnaz oğlu, Əzizullayev Seymur Teyyub oğlu, Tağıyev Allahverdi Əkbər oğlu və Abışov Tacəddin Elşən oğlundan gedir. Qəlbləri Vətən eşqi ilə döyünən gənclər Vətənin dar günündə döyüşlərə yollanıb və qəhrəmancasına döyüşərək şəhadətə ucalıblar. Onların böyüyüb boya başa çatdığı məhlədə isə xatirələrini əbədiləşdirən bulaq istifadəyə verilib.
AZƏRTAC-ın bölgə müxbiri xəbər verir ki, Şəhidlər bulağının açılış mərasimində İmişli və digər şəhər rayonlardan olan 200-ə yaxın şəhid ailəsi, idarə müəssisə rəsmiləri, müharibə iştirakçıları, rayon ictimaiyyətinin nünayəndələri iştirak ediblər. Öncə şəhidlərin xatirəsi sükutla anılıb və Dövlət Himni səsləndirilib. Çıxış edənlər şəhidlərin ən uca məqamda yer aldığından və əbədi yaddaşlara həkk olunduğundan söhbət açıblar. Bildirilib ki, onlar Vətən uğrunda canlarını fəda etməklə gələcək nəsillərə əsl örnək olublar. Daha sonra şəhid ailələrinin iştirakı ilə bulağın açılışı olub. Məktəblilərin ifasında vətənpərvərlik ruhunda şerlər səsləndirilib. Qeyd edək ki, dörd dostdan üç nəfəri – Məmmədli Cavidan Çimnaz oğlu, Tağıyev Allahverdi Əkbər oğlu və Abışov Tacəddin Elşən oğlu 2020-ci ildə 44 günlük İkinci Qarabağ müharibəsində, Əzizullayev Seymur Teyyub oğlu isə 2023-ci ildə lokal antiterror tədbirləri zamanı şəhadətə ucalıb.
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]