MƏZƏNNƏLƏR

QAYNAR XƏBƏRLƏR

karantin

iki günlük sərt karantin rejimi başa çatıb

Nazirlər Kabineti yanında Operativ qərargahın qərarına əsasən Bakı, Sumqayıt, Gəncə, Lənkəran şəhərlərində və Abşeron rayonunda tətbiq edilən sərt karantin rejimi başa çatıb.

Economic.az AZƏRTACa istinadən xəbər verir ki, polis əməkdaşları və Daxili Qoşunların hərbi qulluqçuları tərəfindən karantin rejiminin tələblərinə əməl olunmasına ciddi nəzarət edilib. İyun 6-da saat 00:00-dan iyunun 8-i saat 06:00-dək Bakı, Sumqayıt, Gəncə, Lənkəran şəhərlərində və Abşeron rayonunda bütün iş, xidmət və ticarət sahələri üzrə fəaliyyət, eyni zamanda, ictimai nəqliyyatın və avtomobillərin hərəkəti dayandırılıb. İnsanların yaşayış yerlərini və ya olduğu yerləri tərk etməsi qadağan olunub. Sərtləşdirilmiş xüsusi karantin rejimini pozanlar inzibati məsuliyyətə cəlb edilib.

Dövlət Yol Polisi İdarəsinin məlumatına görə, karantin rejiminin ilk günüdə nəqliyyat vasitələri ilə hərəkətdə olan 1083 nəfər, eləcə də taksi və avtobuslarda tənəffüs yollarını qoruyan fərdi vasitələrdən istifadə etməyən 85 nəfər inzibati məsuliyyətə cəlb olunub.

Qeyd edək ki, Azərbaycanda koronavirus təhlükəsinə qarşı görülən bu və digər qabaqlayıcı tədbirlər vətəndaşlarımızın sağlamlığına, ölkəmizin COVID- 19 epidemiyasından mümkün qədər az itkilərlə çıxmasına yönəlib. Odur ki, hər bir vətəndaş karantin rejiminə ciddi əməl etməlidir.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top