MƏZƏNNƏLƏR

QAYNAR XƏBƏRLƏR

Elmar Rustemov

İki bank üzrə kompensasiyalar “Azərbaycan Beynəlxalq Bankı” vasitəsilə veriləcək

Lisenziyaları ləğv edilmiş “AG Bank” ASC və “NBC Bank” ASC-dəki qorunan əmanətlər üzrə kompensasiyaların verilməsinə iyunun 16-dan başlanılacaq.

Economic.az AZƏRTACa istinadən xəbər verir ki, bu barədə Azərbaycan Mərkəzi Bankının sədri Elman Rüstəmov iyunun 1-də keçirdiyi mətbuat konfransında deyib.

E.Rüstəmov bildirib ki, həmin tarixdən bu iki bankda 30 min manat ekvivalentinədək (30 min manat daxil olmaqla) olan əmanətlər üzrə kompensasiyalar, iyulun 15-dən isə 30 min manat ekvivalentindən yuxarı olan əmanətlər üzrə kompensasiyalar veriləcək. Bu banklarda agent olaraq “Azərbaycan Beynəlxalq Bankı” (ABB) seçilib.

Qeyd edək ki, Azərbaycan Mərkəzi Bankı İdarə Heyətinin 2020-ci il 12 may tarixli qərarı ilə “AG Bank” ASC və “NBC Bank” ASC-nin bank fəaliyyətinin aparılması üçün verilmiş lisenziyaları ləğv edilib. “Əmanətlərin sığortalanması haqqında” Azərbaycan Respublikasının Qanununa uyğun olaraq “AG Bank” ASC və “NBC Bank” ASC-də sığorta hadisəsi günü 2020-ci il aprelin 28-i müəyyən edilib.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top