Honkonqda çoxmərtəbəli binada yanğın olub, ölənlər və yaralananlar var
Pekin, 10 aprel, AZƏRTAC
Çinin Honkonq xüsusi inzibati ərazisində 16 mərtəbəli yaşayış binasında baş verən yanğın nəticəsində 5 nəfər ölüb, 36 nəfər xəsarət alıb.
AZƏRTAC Honkonq şəhər hökumətinin açıqlamasına istinadla xəbər verir ki, hadisə yerli vaxtla səhər saat 8 radələrində binanın birinci mərtəbəsindəki fitnes zalında başlayıb. Yanğın təxminən 2 saat yarımdan sonra söndürülsə də, qatı tüstü mənzillərə dolub və tələfata səbəb olub. Ölənlərdən biri xilas olmaq üçün yuxarı mərtəbələrdən tullanan şəxsdir. Bir neçə nəfər ağır vəziyyətdə xəstəxanaya çatdırılsa da, onların həyatını xilas etmək mümkün olmayıb.
Hazırda ərazidə axtarış işləri aparılır, 250 sakin təxliyə edilib, təxminən 50 nəfər isə yanğınsöndürənlər gəlməzdən əvvəl özləri binanı tərk edib.
Yanğının söndürülməsinə və axtarış-xilasetmə işlərinə 210-dan çox canlı qüvvə cəlb olunub. Yanğının hansı səbəbdən baş verdiyi bilinməsə də, polis yanğının qəsdən törədilməsi faktını istisna etmir. Mənzillərin bəziləri hostel kimi fəaliyyət göstərdiyindən binada gecələyənlərin dəqiq sayı məlum deyil.
AZƏRTAC-ın xüsusi müxbiri
Pekin
BƏNZƏR MƏQALƏLƏR
-
Superkubok: “Qalatasaray” – “Fənərbağça” oyunu ilə bağlı yekun qərar verilib
Bakı, 11 aprel, AZƏRTAC Türkiyə Superkuboku uğrunda baş tutmayan “Qalatasaray” – “Fənərbağça” oyunu ilə bağlı […]
-
Bakıda mənzildə bağlı qapı arxasında köməksiz qalan uşaqlar xilas edilib
Bakı, 11 aprel, AZƏRTAC Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Binəqədi […]
-
MN: Hərbi qulluqçuların asudə vaxtı yüksək səviyyədə təşkil olunur
Bakı, 11 aprel, AZƏRTAC Azərbaycan Ordusunda hərbi qulluqçuların mədəni asudə vaxtının səmərəli təşkili, hərtərəfli mənalı […]