Güzəştli ipotekanın həcminin artırılması nə vəd edir?
Prezident İlham Əliyevin “Azərbaycan İpoteka Fondu” Açıq Səhmdar Cəmiyyətinin vəsaiti hesabına ipoteka kreditinin, o cümlədən güzəştli ipoteka kreditinin verilməsi Qaydası”nda dəyişikliklər edilməsi haqqında fərman imzalayıb. Dəyişikliyə görə, bundan sonra güzəştli ipoteka krediti kreditin verildiyi tarixə ipoteka ilə yüklü edilən yaşayış sahəsinin qiymətinin 90 faizi həcmində verilməlidir (güzəştli ipoteka kreditinin məbləğinin 90 faizdən az olması barədə borcalanın rəsmi müraciət etdiyi hallar istisna olmaqla).
Əmlak məsələləri üzrə ekspert Ramil Osmanlı deyir ki, ipoteka üçün ilkin ödəniş 15 faiz idisə indi 10 faizə salınıb: “Bu o deməkdir ki, İpoteka Fondu ipoteka krediti ilə alınan əmlakın 90 faizə qədərini maliyyələşdirmək imkanı qazanır. Bu da nəticədə ipotekaya olan marağı artıracaq.
İpoteka kreditlərinin verilməsi mənzil bazarında dinamikaya müsbət təsir göstərir. Biz bunu ötən ilin sonunda ipoteka kreditlərinin bərpasından sonra müşahidə etdik”. “Kreditlərin bərpasından sonra əlçatan olan nisbətən aşağı qiymətli mənzillərin qiymətində nisbi də olsa artım müşahidə olundu. Demirəm ki, bu fərmandan sonra mənzil bazarında dinamika əhəmiyyətli dərəcədə artacaq, amma azda olsa mənzil bazarındakı dinamikaya öz təsirini göstərəcək. Əvvəllər təmiri başa çatmamış, çıxarışı olan mənzillərə kredit verilirdisə, artıq təmiri tam başa çatmış mənzillərin alınması üçün də kreditlər veriləcək, ipotekaya cəlb olunacaq” – deyə o bildirib.
sputnik.az
BƏNZƏR MƏQALƏLƏR
-
Azərbaycanda dəri istehsalı ilə bağlı vəziyyət nə yerdədir?
Natiq Cəfərli deyir ki, dəri istehsalı sahəsində ixtisaslaşan xarici investorların ölkəyə cəlb edilməsi, bu sahənin […]
-
Pambığın alış qiyməti növbəti dəfə artırıldı
Pambıqçı fermerlərə daha bir müjdə: pambığın alış qiyməti növbəti dəfə artırıldı Fermerlərin maddi rifah halının […]
-
Un və çörək satışı bazarında monitorinqlər aparılır
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti un və çörək satışı bazarında […]