MƏZƏNNƏLƏR

QAYNAR XƏBƏRLƏR

derman

Gömrük nəzarətindən gizlədilən dərman vasitələri aşkar edilib

Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşının əl yüklərinə “Heiman X-Ray” rentgen yük-yoxlama qurğusunda baxış keçirilib.

Economic.az məlumat verir ki, bu barədə Dövlət Gömrük Komitəsinin mətbuat xidmətindən AZƏRTAC-a bildirilib ki, Baxış zamanı, vətəndaşa məxsus üç ədəd çantanın içərisində – çantalarda olan konfetlərin və qarışıq ərzaq mallarının arasında, eləcə də şəxsi geyim mallarına bükülərək gömrük nəzarətindən gizlədilmiş – 227 flakon “Mydrax 1%”, 390 həb “Alprazolam 0.5”, 300 kapsul “Pregabalin 150”, 200 həb “Clonazepam 2”, 300 həb “Phenobarbital 100” adlı dərman preparatları, 226,3 qram kalium permanqanat, təsir maddəsi tramadol olan 5750 həb və 35 ədəd “Clobetasol 0.05%” adlı maz aşkar edilib.

Ədliyyə Nazirliyi Məhkəmə Ekspertizası Mərkəzinin arayışına əsasən, aşkar edilən dərman vasitələrindən “Alprazolam”, “Clonazepam” və “Phenobarbital” preparatları “Azərbaycan Respublikası ərazisində dövriyyəsinə nəzarət edilən psixotrop maddələrin siyahısı”na, “Mydrax”, “Pregabalin” və “Tramadol” preparatları “Güclü təsir edən maddələrin siyahısı”na, kalium permanqanat isə “Azərbaycan Respublikası ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların siyahıları”na daxildir.

Faktla bağlı araşdırma aparılır.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top