Azərbaycan Respublikası İqtisadiyyat Nazirliyi və YAP Gənclər Birliyinin birgə təşkilatçılığı ilə Bakı Biznes Mərkəzində “Gənclər arasında sahibkarlığın təşviqi: yeni çağırışlar və perspektivlər”  mövzusunda konfrans keçirilib.

Tədbiri giriş sözü ilə açan İqtisadiyyat ve Sənaye nazirinin müavini Sahib Məmmədov layihənin pilot layihə olduğunu qeyd edib və Azərbaycanda həyata keçirilən iqtisadi siyasətin əsas istiqamətləri, dövlət proqramlarında gənclərin sahibkarlıq təşəbbüslərinin dəstəklənməsinə, yeni biznes və məşğulluq imkanlarının genişləndirilməsinə, fəaliyyətə yeni başlayan sahibkarlıq subyektlərinə dövlət dəstəyinin artırılmasına dair qarşıya qoyulan hədəflər barədə tədbir iştirakçılarına məlumat verib.

Sonra YAP  Gənclər  Bilriyinin sədri Seymur Orucov  konfransın mahiyyəti və uğurları haqqında gənclərə məlumat vermiş, gəncləri sahibkarlığa cəlb etməklə iqtisadiyyatımızın inkişafına dəstək olmalı, həmçinin gənc sahibkarlığa iddialı şəxslərə innovativ düşüncəni aşılamalı və maarifləndirməli olduğunun vacibliyinin bildirmişdir. Qeyd edib ki, təlimin məqsədi bu sahədə çalışan gənclərə şəxsi biznesin qurulması və uğur qazanmaqda yardımçı olmaqdır.

Daha sonra ekspert Arzu Qafarlı, Sahibkarlığın inkişafı üçün ölkədə hərbir şəraitin yaradıldığını, həmçinin sahibkarlara  dövlət dəstəyi, maliyyə dəstəyi, həm texniki dəstək, həmdə intelektual dəstək göstərildiyini vurğulamışdır. Ekspert onuda qeyd etdi ki, bugün dövlət başçısının tapşırığı ilə, sahibkaralara dövlət dəstəyinin davam etdirilməsi, iş adamlarına güzəştli kreditlərin verilməsi, lisenziyaların ləğv edilməsi, yoxlamaların iki il müddətinə dəyandırılması sahibkarlar tərəfindən xoş qarşılanmışdır və bunun nəticəsidir ki, 2016-cı ildə ümumi sahibkarlıq subyektinin sayı 700.000-ə yaxın olmuşdur.

A.Qafarlı sahibkarlığın inkişafında və genişlənməsində  SKMF-un rolunun da danılmaz olduğunu bildirmişdir.

Azərbaycan Arıçılar Assosiasiyasının sədri Bədrəddin Həsrətov rəhbəri olduğu qurumun İqtisadiyyat Nazirliyinin təşəbbüsü ilə yeni yaradıldığını və arıçılığın inkişaf etdirilməsi üçün arıçılıq məhsullarının tədarükü, qablaşdırılması və marketinqi ilə bağlı müasir yanaşmaların tətbiqi, arıçıların bilik və bacarıqlarının artırılması istiqamətində Nazirliklə birgə layihələrdə iştirak edəcəyini bildirmişdir.
Tədbirdə bir sıra şirkətlərin nümayəndələri çıxış edərək, ölkəmizdə münbit işgüzar mühitin formalaşdırıldığını, bütün bunların gənclərin sahibkarlıq fəaliyyəti üçün əlverişlı imkanlar yaratdığını vurğulamış, sahibkarlığın inkişafına göstərilən diqqət və qayğıya, həyata keçirilən çoxsaylı dəstək tədbirlərinə görə ölkə başçısına minnətdarlıqlarını bildirmişlər.