Gəncədə Rusiya İnformasiya və Mədəniyyət Mərkəzinin bölməsi açılacaq
Gəncədə Rusiya İnformasiya və Mədəniyyət Mərkəzinin bölməsi açılacaq. Bu barədə AZƏRTAC-ın müxbirinə MDB işləri, xaricdə yaşayan həmvətənlər və beynəlxalq humanitar əməkdaşlıq üzrə Federal Agentliyin (Rossotrudniçestvo) mətbuat xidmətindən məlumat verilib.
Agentlikdən bildiriblər ki, hazırda “Rossotrudniçestvo” Agentliyinin dünyanın 81 ölkəsində 98 nümayəndəliyi var. Onların hamısı hökumətlərarası sazişlər əsasında fəaliyyət göstərir. Rusiya Federasiyası və Azərbaycan Respublikası hökumətləri arasında saziş əsasında 2009-cu ildən Bakıda Rusiya İnformasiya və Mədəniyyət Mərkəzi fəaliyyət göstərir. Hökumətlərarası sazişə görə, hər iki ölkə razılaşma əsasında bir-birinin digər şəhərlərində mərkəzlərin filial və nümayəndəliklərini aça bilər.
“Rossotrudniçestvo” Agentliyindən verilən məlumata görə, hazırda Azərbaycanın ikinci böyük şəhərində – Gəncədə RİMM-in bölməsinin açılması barədə Azərbaycan Xarici İşlər Nazirliyi ilə danışıqlar aparılır.
Agentliyin mətbuat xidmətindən onu da bildiriblər ki, “Rossotrudniçestvo”nun təkcə paytaxtlarda deyil, başqa şəhərlərdə, ilk növbədə, beynəlxalq humanitar əməkdaşlığın inkişafına dair fəaliyyətin tələb olunduğu şəhərlərdə Rusiya mədəniyyət mərkəzləri açılır. Məsələn, ötən ilin sonunda Tacikistanın Xocənd şəhərində Rusiya Elm və Mədəniyyət Mərkəzinin bölməsi açılıb. Düşənbə və Bakıda mədəniyyət mərkəzləri artıq çoxdan fəaliyyət göstərir. “Rossotrudniçestvo”nun Belarus ərazisində 3 mərkəzi, ABŞ, Braziliya, Polşa və Qırğızıstanın hər birində 2 mərkəzi, Hindistanda tam beş mərkəzi fəaliyyət göstərir.
BƏNZƏR MƏQALƏLƏR
-
Payızlıq əkinlərin EKTİS-də bəyan edilməsi prosesi yekun mərhələyə qədəm qoyub
Fermerlər öz payızlıq əkinlərini Elektron Kənd Təsərrüfatı İnformasiya Sistemində bəyan etməkdə davam edirlər. Əkinlərin bəyanı […]
-
“Şəhərdən Kəndə” layihəsi çərçivəsində Şamaxıda fermer təsərrüfatına dəstək göstərilib
Kənd Təsərrüfatı Nazirliyi tərəfindən “Paşa Holdinq”in dəstəyi ilə həyata keçirilən “Şəhərdən Kəndə” layihəsi çərçivəsində regionlarda […]
-
Quba-Qonaqkənd avtomobil yolu – VİDEO
Quba rayonunun Quba–Qonaqkənd avtomobil yolunun tikintisi ilə bağlı əlavə tədbirlər haqqında Prezidentin Sərəncamına əsasən, 68 min əhalinin yaşadığı 66 yaşayış məntəqəsini […]