MƏZƏNNƏLƏR

QAYNAR XƏBƏRLƏR

Gence

Gəncədə gənclər üçün treninqlər keçirilib

İqtisadiyyat Nazirliyinin mətbuat xidmətindən economic-ə verilən məlumata görə, İqtisadiyyat Nazirliyinin dəstəyi, Nazirliyin Bakı Biznes Tədris Mərkəzinin və İnsan Hüquqları üzrə Müvəkkilin Gəncə Regional Mərkəzinin birgə təşkilatçılığı ilə aprelin 26-da Gəncə şəhəri 3 saylı peşə liseyində, aprelin 27-də isə Azərbaycan Dövlət Aqrar Universitetində gənclər üçün treninqlər keçirilmişdir.

Azərbaycan Respublikası Prezidentinin “Gəncə şəhərinin 2016-cı il Avropa Gənclər Paytaxtı seçilməsi ilə əlaqədar tədbirlər haqqında” 2016-cı il 24 fevral tarixli Sərəncamına və Gəncə Şəhər İcra Hakimiyyəti tərəfindən təsdiq edilmiş Tədbirlər Planına müvafiq olaraq, keçirilən tədbirlərin məqsədi gənclərin sahibkarlıq təşəbbüslərinin dəstəklənməsi və özünüməşğulluğunun təmin edilməsi, onlara gələcək fəaliyyətləri üçün vərdiş və bacarıqların aşılanması, korporativ sosial məsuliyyət haqqında zəruri biliklərin verilməsi, eləcə də Azərbaycanın tarix və mədəniyyətinin, cəmiyyətimizə xas olan multikulturalizm ənənələrinin və tolerantlıq mühitinin təbliğ edilməsidir.

“Biznesin əsasları, təşkili və idarə edilməsi”, “Azərbaycanın multikulturalizmi insan hüquqları müstəvisində” mövzularını əhatə edən treninqlərdə biznes mühiti, biznesin planlaşdırılması və idarə edilməsi, biznesdə insan resurslarından səmərəli istifadə, Azərbaycanın multikulturalizm dəyərləri və s. barədə ətraflı məlumatlar iştirakçıların diqqətinə çatdırılmışdır.

Bununla yanaşı, tədbirlərdə İqtisadiyyat Nazirliyi tərəfindən göstərilən elektron xidmətlər barədə də məlumat verilmişdir.

Treninqlər çərçivəsində mövzular üzrə təqdimatlar keçirilmiş, iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanmış, onları maraqlandıran suallar cavablandırılmışdır.

BƏNZƏR MƏQALƏLƏR

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Top