Feysbukdan yenilik: Sahibkarlar müştəri mesajlarını daha tez cavablayacaqlar

Feysbuk Messenger tətbiqinə yeni funksiya əlavə edib. Yeniliyə görə, artıq istifadəçilər şəxsi və biznes hesabları arasında asanlıqla keçid edə biləcəklər.

Bununla sahibkarlar müştəri mesajlarına daha sürətli cavab vermək imkanını qazanacaqlar. Əvvəllər isə sahibkarlar şirkət adından müştərilərə cavab vermək üçün Page Manager tətbiqini yükləməli olurdular.

Feysbuk yeniliyi pandemiya və işgüzar məhdudiyyətlərə görə, şirkətlərə edilən müraciətlərin sayının artması ilə izah edib.

Bildirilib ki, yeni funksiya hələlik yalnız iOS əməliyyat sistemi üçün əlçatandır. Yaxın vaxtlarda isə Android üçün versiyasının hazırlanması planlaşdırılır. ted.az