Dubay iyulun 7-dən etibarən xarici turistləri qəbul etməyə başlayacaq.u

Bu barədə əmirlik hökumətinin mətbuat xidməti öz “Twitter” səhifəsində məlumat verib.

Dubayı görmək istəyən əcnəbilər mütləq koronavirus testinin mənfi nəticəsi barədə sənədləri təqdim etməli və ya Dubayın hava limanlarında COVID-19 testi verməlidir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. Open.az