Çində torpaq sürüşməsi nəticəsində 8 nəfər itkin düşüb
Pekin, 23 iyun, AZƏRTAC
Çinin Hunan əyalətində torpaq sürüşməsi nəticəsində 8 nəfər itkin düşüb.
AZƏRTAC əyalətin Fövqəladə Halların İdarəedilməsi Mərkəzinə istinadla xəbər verir ki, hadisə səhər erkən vaxtı Huayhua şəhərinə aid Dousi kəndində baş verib. Sürüşmə nəticəsində 4 ev dağılıb. İtkin düşənlər həmin evlərin sakinləridir. Hazırda onların axtarışları aparılır. Kəndin sakinləri təhlükəsiz yerə təxliyə olunub.
Qeyd edək ki, son günlər Çinin müxtəlif bölgələrində, o cümlədən Hunan əyalətində leysan yağışları müşahidə olunur. Ölkənin cənubundakı Quandon və Fucien əyalətlərində, Quansi Cuan muxtar rayonunda iyunun 15-dən başlayan şiddətli yağışların yaratdığı fəsadlar, o cümlədən torpaq sürüşməsi, palçıq axını, sel və daşqın səbəbindən təxminən 55 nəfər ölüb, bir neçə sakin itkin düşüb.
Şahin Cəfərov
AZƏRTAC-ın xüsusi müxbiri
Pekin
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]