![](http://economic.az/uploads/2024/06/17180752494206438795_1200x630.jpeg)
Cənubi və Şimali Koreya sərhədində insident baş verib
Pekin, 11 iyun, AZƏRTAC
Cənubi Koreya ilə Şimali Koreya arasında faktiki sərhəd rolunu oynayan hərbi demarkasiya xəttində insident baş verib.
AZƏRTAC xəbər verir ki, Yonhap agentliyi Cənubi Koreyanın silahlı qüvvələrinin baş qərargah rəisləri komitəsinə istinadla belə xəbər yayıb.
Komitənin açıqlamasında bildirilir ki, Şimali Koreyanın bir qrup hərbi qulluqçusu Demilitarizasiya Zonasındakı demarkasiya xəttindən cənub tərəfə keçiblər. Cənubi Koreya hərbçiləri onları geri qaytarmaq üçün xəbərdarlıq atəşi açıb. Bundan sonra Şimali Koreya hərbçiləri öz tərəflərinə qayıdıb. Hadisənin iyunun 9-da günorta saatlarında baş verdiyi bildirilir. İnsident nəticəsində xəsarət alan olmayıb.
Qeyd edək ki, son vaxtlar iki Koreya arasında vəziyyət daha da gərginləşib. Ötən ilin noyabrında Şimali Koreyanın hərbi kəşfiyyat peykini orbitə çıxarmasına cavab olaraq Seul 2018-ci ildə imzalanmış Koreyalararası hərbi deskalasiya sazişinin bəzi müddəalarını dayandırdığını elan etmişdi. Pxenyan bunun ardınca müqavilədən tamamilə çıxdığını bəyan edib.
Son günlər Şimali Koreyadan cənub tərəfə hava balonları ilə bir neçə dəfə zibil göndərilməsindən sonra sözügedən saziş tam dayandırıb və iki ölkə arasındakı hərbi demarkasiya xətti yaxınlığında hərbi fəaliyyətləri bərpa etməyi qərara alıb.
Şahin Cəfərov
AZƏRTAC-ın xüsusi müxbiri
Pekin
BƏNZƏR MƏQALƏLƏR
-
Dünya Köçəri Oyunları: Astanada etnoaul qapılarını açdı
Astana, 8 sentyabr, AZƏRTAC 5-ci Dünya Köçəri Oyunları çərçivəsində Astanada “Köçərilər Dünyası” etnoaulunun açılışı olub. […]
-
Çinin valyuta ehtiyatları 2015-ci ildən bəri ən yüksək səviyyəyə çatıb
Bakı, 8 sentyabr, AZƏRTAC Avqust ayında Çinin valyuta ehtiyatları son 8,5 ilin ən yüksək səviyyəsinə […]
-
Alimlər sudakı kimyəvi maddələri tez və ucuz şəkildə məhv edən üsul hazırlayıblar
Bakı, 8 sentyabr, AZƏRTAC Alimlər suda “sonsuz kimyəvi maddələri” tutaraq məhv edən yeni üsul hazırlayıblar. […]