Budapeşt caz klubu nüfuzlu Avropa mükafatına layiq görülüb
Budapeşt, 7 sentyabr, AZƏRTAC
Budapeşt Musiqi Mərkəzinin binasında yerləşən “Opus” Caz Klubu “Europe Jazz Network” (EJN) nüfuzlu peşəkar mükafatına layiq görülüb.
AZƏRTAC bu barədə Budapeşt Musiqi Mərkəzinin pres-relizinə istinadla xəbər verir.
“Bu il 13-cü dəfə təqdim olunan EJN mükafatı tamaşaçılara ən orijinal caz proqramlarını təklif edən Avropa festivalı və konsert məkanlarına verilir”, – deyə məlumatda bildirilir.
Münsiflər heyəti qeyd edib ki, “Budapeşt Musiqi Mərkəzi həm yerli, həm də beynəlxalq sənətçilərə sadiqdir. Onun seçimi, musiqiyə bir incəsənət növü kimi sədaqətində cəsarətli və xaraktercə macəralı, stilistik cəhətdən çoxşaxəli proqramdır”.
“Budapeşt Musiqi Mərkəzi musiqiçinin xəyalıdır: əsl musiqi evinə çevrilən restavrasiya edilmiş 120 illik binadır. Bu mərkəzin seçdiyi dəyərlərə sadiqliyi musiqinin gündəlik siyasətin hüdudlarından və məhdudiyyətlərindən kənarda inkişafına imkan verir”, – deyə pres-relizdə qeyd edilir.
Vüqar Seyidov
AZƏRTAC-ın xüsusi müxbiri
Budapeşt
BƏNZƏR MƏQALƏLƏR
-
Laçında daha 18 ailəyə evlərinin açarları təqdim olunub – YENİLƏNİB
Laçın, 11 sentyabr, Aydın Yavərzadə, AZƏRTAC Bu gün növbəti köç karvanı ilə Laçın şəhərinə çatan […]
-
Tanınmış alimlər beynəlxalq layihə çərçivəsində elmi tədqiqatlarını təqdim ediblər
Bakı, 11 sentyabr, AZƏRTAC Avropa Elmi Tədqiqat Şurasının (European Research Council) dəstəklədiyi “Son neandertallar” layihəsinin […]
-
Dağlıq və dağətəyi rayonlarda arabir yağış yağacağı, şimşək çaxacağı gözlənilir
Bakı, 11 sentyabr, AZƏRTAC Azərbaycanda sentyabrın 12-nə gözlənilən hava proqnozu açıqlanıb. Ekologiya və Təbii Sərvətlər […]